Аргентина - Хорватия ўйини (0:3) давомида ўзбекистонлик ҳакам Равшан Эрматов шаънига ножоиз сўзлар ишлатган россиялик футбол шарҳловчиси Василий Уткин ишқибозларни тўғридан-тўғри эфирга таклиф қилган эди.
Шундан сўнг шарҳловчи Телеграм канали орқали мухлисларга мурожааат қилди.
Эслатиб ўтамиз, ушбу ҳақоратдан сўнг Твиттер ижтимоий тармоғида Уткиннинг ўзи ҳақоратлар ёмғирига учраган эди.
Равшан Эрматов ҳақида
"Менинг жонли эфиримга улгурмайдиган, келмайдиган, хоҳламайдиганлар, сабрсизлар учун, шунингдек, эшитишдан кўра ўқиш қулайроқ бўлганлар учун.
Мен ... (...), ..., ўзимни ювиндихонадан топган, оиламнинг шармандаси, мол, чўчқа ва бошқа ҳаказоман.
Ўз ҳақоратингизни Инстаграм директига ёзиб қолдиринг, энг яхшисини танлаб, алоҳида эълон қиламан. Ижодкорона сўкинг.
Мени истаганингизча сўкишга тўла ҳақлисиз. Энг ёмон сўзлар билан. Буни қиляпсиз ҳам - шарҳловчи ҳам ҳакам кабидир. Тахминларим тўғри чиқмаса доим шундай қилиб келгансиз.
Мен аблаҳман, мен... жирканчман, мен ҳар нарсаман...
Шундай қилишингиз мумкин, қиляпсиз ҳам.
Чунки, сиз ишқибозсиз.
Чунки қизиққонсиз.
Мен ҳам сиз кабиман. Мен ҳам худди сиз каби кимнидир ёмонлашим ва сўкишим мумкин ҳатто энг муносиб инсонларни ҳам.
Чин юракдан, ғазабда. Омадни жиловлаш учун ёки шунчаки.
Ровшан Ирматов ажойиб ҳакам. Ҳакамни сўкмаган мухлиснинг ўзи йўқ. Сўкилмаган ҳакам ҳам бўлмаган.
Ровшан Ирматов ажойиб ҳакам, аммо у ҳакам. У билан ҳам бошқа ҳакамлар сингари воқеа бўляпти.
Ўзбек ҳалқига, ўзбек футболига, ўзбек паловига ва умуман Ўзбекистонга ёмонлигим йўқ.
Мен ҳам сиз каби ишқибозлик қилишга, ақлдан озишга ва омадни жиловлашга ҳақлиман.
Агар буни тушунмасангиз - сиз мухлис эмассиз. Ёки ўзингизга ташқаридан назар солишни билмайсиз.
Яхши ва фойдали ишларни бажаришда Ровшан Эрматовга, оиласига, яқинларига, дўстлари ва ватандошларига ўзлари ишонган Худоси ёрдам берсин. Менг йил яшасин ва ҳеч қачон йўталмасин", - деб ёзади Уткин.
