«Хоразм» клуби яримҳимоячиси Фарруҳ Ҳайдаров Про-лига 18-туридан ўрин олган «Шўртан»га (5:1) қарши ўйиндан сўнг, ўз фикрлари билан ўртоқлашди.

Футболчи 1-бўлимнинг 20-дақиқасида рақиб дарвозасини чиройли тарзда ишғол этган эди.

«Бугунги ўйинни қийин бўлишини билардик. «Шўртан» кучли жамоа бўлгани учун, беллашувга жиддий тайёргарлик кўрдик. Натижада, меҳнатимиз ўз самарасини берди.

Биринчи бўлимдан сўнг, 4:1 ҳисобида олдинда эдик. Танаффусда бош мураббий бўшашмасликни уқтирди. Ҳисобни 0:0 деб ўйлаб, ҳаракат қилиш лозимлигини таъкидлади. Иккинчи бўлимда яхши ҳаракат қилиб, ғалабани қўлга киритдик. «Шўртан» оддий жамоа эмас, бугун биз кучли иштиёқ эвазига ғалаба қозондик деб ўйлайман.

Ғалаба келтирувчи голим? Тўғриси буни кутмагандим, аммо гол уришни ният қилгандим. Насиб бўлса, кейинги ўйинларда ҳам мухлисларни хурсанд қилишга ҳаракат қиламан» - деди Ҳайдаров.