«Xorazm» klubi yarimhimoyachisi Farruh Haydarov Pro-liga 18-turidan o‘rin olgan «Sho‘rtan»ga (5:1) qarshi o‘yindan so‘ng, o‘z fikrlari bilan o‘rtoqlashdi.
Futbolchi 1-bo‘limning 20-daqiqasida raqib darvozasini chiroyli tarzda ishg‘ol etgan edi.
«Bugungi o‘yinni qiyin bo‘lishini bilardik. «Sho‘rtan» kuchli jamoa bo‘lgani uchun, bellashuvga jiddiy tayyorgarlik ko‘rdik. Natijada, mehnatimiz o‘z samarasini berdi.
Birinchi bo‘limdan so‘ng, 4:1 hisobida oldinda edik. Tanaffusda bosh murabbiy bo‘shashmaslikni uqtirdi. Hisobni 0:0 deb o‘ylab, harakat qilish lozimligini ta’kidladi. Ikkinchi bo‘limda yaxshi harakat qilib, g‘alabani qo‘lga kiritdik. «Sho‘rtan» oddiy jamoa emas, bugun biz kuchli ishtiyoq evaziga g‘alaba qozondik deb o‘ylayman.
G‘alaba keltiruvchi golim? To‘g‘risi buni kutmagandim, ammo gol urishni niyat qilgandim. Nasib bo‘lsa, keyingi o‘yinlarda ham muxlislarni xursand qilishga harakat qilaman» - dedi Haydarov.
