Тошкентдаги йиғиннини давом эттираётган Фарғонанинг "Нефтчи" жамоаси бугун навбатдаги ўртоқлик баҳсида майдонга тушади. Баҳром Ҳайдаров бошқарувидаги жамоага бугун Сергей Лушаннинг "Сўғдиёна"си рақиблик қилади. Учрашув "Тўқимачилар" ўйингоҳида соат 18:15 да бўлиб ўтади.
"Нефтчи" жамоасидаги ўзгаришга тўхталадиган бўлсак, жамоага бугун ПРО-лигада 12 та гол уриб тўпурарлик салоҳиятини кўрсатаётган "Зомин" хужумчиси Достон Тошматов келиб қўшилди. Хужумчи бугун "Сўғдиёна"га қарши ўртоқлик ўйинида майдонга тушиши кутилмоқда. Агар футболчининг ҳаракатлари мураббийларимизга маъқул келса, Тошматов иккинчи даврани "Нефтчи"да бошлаши мумкин.
Эслатиб ўтамиз, бугун соат 18:15 да "Нефтчи" жамоаси "Сўғдиёна" билан назорат ўйинида майдонга тушади.
"Нефтчи" матбуот хизмати
