Toshkentdagi yig‘innini davom ettirayotgan Farg‘onaning "Neftchi" jamoasi bugun navbatdagi o‘rtoqlik bahsida maydonga tushadi. Bahrom Haydarov boshqaruvidagi jamoaga bugun Sergey Lushanning "So‘g‘diyona"si raqiblik qiladi. Uchrashuv "To‘qimachilar" o‘yingohida soat 18:15 da bo‘lib o‘tadi.
"Neftchi" jamoasidagi o‘zgarishga to‘xtaladigan bo‘lsak, jamoaga bugun PRO-ligada 12 ta gol urib to‘purarlik salohiyatini ko‘rsatayotgan "Zomin" xujumchisi Doston Toshmatov kelib qo‘shildi. Xujumchi bugun "So‘g‘diyona"ga qarshi o‘rtoqlik o‘yinida maydonga tushishi kutilmoqda. Agar futbolchining harakatlari murabbiylarimizga ma’qul kelsa, Toshmatov ikkinchi davrani "Neftchi"da boshlashi mumkin.
Eslatib o‘tamiz, bugun soat 18:15 da "Neftchi" jamoasi "So‘g‘diyona" bilan nazorat o‘yinida maydonga tushadi.
"Neftchi" matbuot xizmati
