Мадриднинг «Реал» клуби ҳужумчиси Криштиану Роналду ёзда жамоани тарк этиши мумкин.
Туриннинг «Ювентус» клуби эса 33 ёшли португалиялик футболчининг хизматларига жиддий қизиқиб қолди, деб хабар беради Marca.
Туринликлар Роналдунинг «Реал» раҳбарияти билан боғлиқ муаммоларида хабардор ва улар трансфер устида аллақачон ишлашни бошлаб юборган.
Қайд этилишича, «Юве» раҳбарияти футболчи билан оғзаки келишувга эришиб бўлган. Унга кўра Криштиану Турин суперклуби билан 2022 йилгача мўлжалланган шартнома имзолайди. Ва у йилига 30 миллион евро ишлаб топади.
«Олтин тўп»нинг беш карра соҳибининг «Қироллик клуби» билан шартномасида товон пули 1 миллиард евро сифатида кўрсатилган.
Аммо Роналду тўғридан-тўғри «Реал» рақобатчисига сафига ўтмайдиган бўлса, товон пулини камайтириш борасида томонлар ўртасида келишув ҳам бор.
«Ювентус» эса «Реал» билан боғланиб, футболчи учун 120 миллион евро тўлашга тайёр эканлигини маълум қилган.
