Нигерия терма жамоаси сардори Жон Оби Микел гуруҳ босқичининг сўнгги тури олдидан жиддий муаммога дуч келгани аниқ бўлди. Жамоа Аргентинага қарши ўйин учун йўл олган пайтда футболчига унинг отаси ўғрилаб кетилгани маълум қилинган. Бу ҳақда The Guardian хабар тарқатди.

Ўғрилар Жондан пул талаб қилишган. Бундан ташқари, ўйинчи бу ҳақда кимгадир айтадиган бўлса, отасини ўлдириш билан таҳдид қилишган.

«Отам жангарилар қўлида бўлишига қарамай, мен майдонга тушишга қарор қилдим. Боиси, 180 миллион нигерияликларнинг умидини сўндира олмасдим. Мен майдонга чиқиш ва Ватаним шарафини ҳимоя қилиш учун барчасини хаёлимдан чиқариб ташладим. Мураббийлар ва Федерация вакиллари ўғрилик ҳақида ҳеч нарса билишмасди. Фақат бир неча нафар яқин дўстларим бундан хабар топишганди. Агар буни кимгадир айтсам, отамни отиб ташлашлари мумкинлигини менга айтишди.

Бахтимга, душанба куни (орадан 6 кун ўтиб) полиция отамни қутқарди. Ҳозир у шифохонада тиббий ёрдам олмоқда. Уни қийнашган», — деди Жон Оби Микел.