Хорватиянинг Загреб шаҳрида спорт курашлари бўйича ўсмирлар ўртасида жаҳон чемпионати бўлиб ўтмоқда. Бугун ушбу нуфузли мусобақа ниҳоясига етади. Беллашувларнинг сўнги кунида ҳам ўзбекистонлик спортчиларда совринли ўринлар қўлга киритиш имконияти сақланиб қолган.
Хабар бериб ўтганимиздек, юнон-рум кураши баҳсларида -51 кг вазн тоифасида баҳсларда қатнашаётган Лазизхон Ўзбеков мусобақа давомида Озарбайжон, Литва, Арманистон курашчиларини мағлуб этди ва финалга йўл олди. Бугун у олтин медаль учун ҳиндистонлик Лайшарам Мейтейга қарши гиламга чиқади.
Шунингдек, Ҳусан Юнусхонов (-45кг)да ҳам бронза медали учун имконият сақланиб қолган. Бунинг учун у аввалига эронлик Амирризо Деҳбозоргини, кейин эса болгариялик Эдмонд Назарянни мағлуб этиши лозим бўлади.
Эслатиб ўтамиз, ушбу жаҳон чемпионатида эркин кураш бўйича Жамшид Маруфов олтин, Шаҳбоз Комилов медалини қўлга киритганди. Юнон-рум курашида эса спортчиларимиздан Аброр Атабаев олтин, Амир Султонов бронза медалига сазовор бўлган.
