Лондоннинг “Челси” клуби Маурицио Саррини бош мураббий этиб тайинлагани ҳақида расман эълон қилди.
Италиялик мураббий янги жамоаси билан 3 йиллик шартномага имзо чекди. Саррининг йиллик маоши 6 миллион еврони ташкил этади.
59 ёшли мураббийнинг “Челси”даги ассистентиЖанфранко Зола бўлади. Маълумки, Зола 1996-2003 йиллар давомида “Челси” клуби фаолият юритган.
Маълумот учун, Маурицио Сарри 1990 йил мураббийлик фаолиятини бошлаган бўлиб, “Наполи”га 2015 йил келган эди. У 3 йил давомида Италия чемпионатида “Наполи” билан муваффақиятли қатнашди. Зотан, икки марта 2-ўрин ва бир март 3-ўрин эгалланган.
Шунингдек, 2015/2016 йил мавсумида Италия чемпионатида энг яхши мураббий деб эътироф этилган.
