18 июнь – 15 июль саналари оралиғида Ўзбекистонда ёзги трансферлар ойнаси очиқ бўлди ва клублар ўз таркибларини янги ижрочилар билан тўлдириб олиш имкониятига эга бўлишди. Ўзбекистон Профессионал Футбол Лигаси 16 июль соат 00:00дан сўнг янги футболчиларни рўйхатдан ўтказиш жараёнини якунлади.
Амалга оширилган трансферлар сарҳисоб қилинганида Ўзбекистон Суперлигаси иштирокчи клублари ёзги трансферлар вақтида 97 нафар янги ўйинчилар билан шартнома имзолагани маълум бўлди. Ўз навбатида клубларни роппа-роса 99 нафар ўйинчи тарк этди.
Энг кўп янги ўйинчи олган ва эскилари билан хайрлашган жамоа – Фарғонанинг «Нефтчи» клуби бўлди. Фарғоналиклар сафини 16 нафар футболчи тарк этди. Шунингдек, «Нефтчи» таркибига 14 нафар ўйинчи келиб қўшилди.
