Бразилия футбол конфедерацияси миллий терма жамоа бош мураббийи Тите билан шартномасини узайтирди.
ЖЧ-2018 чорак финалида Бельгиядан учралган мағлубиятга қарамай (1:2), 57 ёшли мутахассисга янги 4 йиллик шартнома таклиф қилинди. Шартнома Қатардаги ЖЧ-2022 якунигача амал қилади.
Тите Бразилия тарихида жамоа жаҳон чемпионатида ғолиб бўлмагандан сўнг истеъфога чиқарилмаган биринчи мураббий бўлди.
Бразилия термаси Тите бошчилигида 26 учрашув ўтказиб, 20 ғалаба, 4 дуранг ва 2 мағлубият қайд этган. Бельгия билан ўйинга қадар бир ўйинда иккита гол ўтказмаган.
