Pepsi Суперлиганинг 19-турида “Насаф” Олмалиқнинг “АГМК” жамоаси билан, ўз майдонида баҳслашади. Учрашув 28 июл шанба куни “Марказий” стадионда соат 20:00да бошланади.
Pepsi Суперлига, 19-тур
“НАСАФ” –“АГМК”
28.07.2018. “Марказий” стадион. 20:00да
Бош ҳакам: Виктор Серазитдинов (Тошкент)
Қанот ҳакамлари: Равил Шояхметов (Тошкент), Ҳусниддин Шодмонов (Бухоро)
Захира ҳаками: Исхақ Ибрагимов (Нукус)
Назоратчи: Ғайрат Каримов (Тошкент)
Учрашув комиссари: Лазиз Қўчқоров.
Виктор Серазитдинов бу йилги "Насаф" иштирокидаги учрашувларнинг учинчисига тайинланди. Бунгача Серазитдинов “Насаф” – “Бухоро” 3:1 ва “Бухоро” – “Насаф” 1:0 учрашувларини бошқарган эди.
Ўзаро учрашувларга оид фактлар
“Насаф” ва “АГМК” жамоалари шу пайтгача миллий чемпионатимизда ўзаро 21 марта куч синашган. Бўлиб ўтган учрашувларнинг 11тасида “Насаф” зафар қучган, яна 8 ўйинда дуранг натижа қайд этилган. 2та ўйинда олмалиқлик футболчилар ўз майдонида ғалабага эришишган. Тўплар нисбати қуйидагича кўриниш олган – 32:17. Устунлик “Насаф” томонида.
Қаршидаги ўзаро учрашувларга оид
Қаршида бўлиб ўтган 10та ўйиндан 8тасида “Насаф” ғалаба қозонган. 2 учрашувда бир хил 2:2 дуранг ҳисоби қайд этилган. Кўриб турганингиздек, “АГМК” жамоаси ҳанузгача Қаршида ғалаба қозона олмаган. Қаршидаги сўнгги ўзаро дуранг натижа эса 2013 йили қайд этилган. Ўтган йили Қаршида бўлиб ўтган ўзаро учрашувда “Насаф” 1:0 ҳисобида муваффақиятга эришган.
Қаршида бўлиб ўтган учрашувларда мазкур жамоалар ўртасида энг йирик 4:0 ҳисоби, 2010 йили қайд этилган. Бу учрашувда Илҳом Шомуродов хет-трик муаллифи бўлган. Кенжа Тўраев эса битта гол киритган.
Қаршида бўлиб ўтган ўзаро учрашувлар:
08.09.2017. “Насаф” – “Олмалиқ” 1:0
08.08.2016. “Насаф” - “Олмалиқ” 2:1
08.08.2015. “Насаф” - “Олмалиқ” 2:0
07.11.2014. “Насаф” - “Олмалиқ” 2:2
02.03.2013. “Насаф” - “Олмалиқ” 2:2
01.07.2012. “Насаф” – “Олмалиқ” 4:2
20.03.2011. “Насаф” – “Олмалиқ” 2:1
26.08.2010. “Насаф” – “Олмалиқ” 4:0
07.08.2009. “Насаф” – “Олмалиқ” 2:1
10.05.2008. “Насаф” – “ОТМК” 1:0
Қаршидаги ўзаро учрашувларда дарвозаларга жами 31та тўп киритилган. Тўплар нисбати бўйича ҳам устунлик “Насаф” томонида 22-9.
Жамоалар тўпурарлари
Айни пайтда тўпурарлар бўйича "Насаф"да Бобир Абдухолиқов карвонбошилик қилмоқда. У ҳозиргача 5та гол киритган. “АГМК” жамоасининг тўпурари сербиялик ярим ҳимоячиси Йован Жокич ҳисобланади. Унинг ҳисобида 8та гол бор, уларнинг 6тасини пенальтидан киритган.
Мазкур жамоаларнинг ёшлари ўртасидаги учрашув 27 июл жума куни бўлиб ўтади. Учрашув Спутник қўрғонидаги ёшларимиз қароргоҳи майдонида соат 18:30да бошланади.
Барча футбол ишқибозларини ана шу учрашувларга таклиф этиб қоламиз.
