"Манчестер Юнайтед" ҳимоячиси Люк Шоу келажаги ҳақидаги саволга жавоб берди.
"АГар ҳеч нарса ўзгармаса ва менежер келиб, унинг режаларига кирмаслигимни айтмаса - ҳа, Манчестерда қоламан. Мен футбол ўйнашни хоҳлайман. Мен бу ерга ҳеч нарса қилмасдан туриб маош олгани келмаганман.
Ҳали ёшман, эндигина 23 га кирдим, узоқ фаолият олдимда ва мен ўйнашни хоҳлайман. Ўриндиқда ўтириб, сигарет чекиб, ҳеч иш қилмай ўтира олмайман. Бу мен учун эмас. Албатта, бу мавсумда жамоамга максимал ёрдамим тегишини истайман.
Энди имкониятим кўпроққа ўхшаяпти. Таътил бошланганига бир ҳафта бўлганида, Дубайда эканимда Моуриньо менга хабар ёзди. Шундан сўнг яхши гаплашдик. У янги мавсумда ўзимни ишончлироқ тутишим кераклигини айтди. Жамоамга фойдам тегишини унга исботламоқчиман", - дейди Шоу.
