Миср терма жамоаси дарвозабони Хадори терма жамоадиги фаолиятига нуқта қўйди.
“Мен кўп ўйлаб шу қарорга келдим. Илк ўйинимдан 22 йил 4 ой 12 кун ўтиб фаолиятимни тугатмоқдаман. Менимча ҳозир қўлқопларимни миҳга илишни айни вақти. Бу вақт ичида мен нимани орзу қилган бўлсам, барчасига эришдим”, деб ёзади Хадори.
Эслатиб ўтамиз, дарвозабон 1996 йилдан буён Миср термасини шарафини ҳимоя қилиб келганди. У 22 йил ичида терма жамоа сафида 119 та учрашувда майдонга тушган.
Хадори ЖЧ-2018да майдонга тушган энг ёши катта дарвозабонга айланиб, рекорд ўрнатган эди.
