Мюнхеннинг “Бавария” клуби “Роттах-Эгерн” хаваскорлар жамоасини янчиб ташлади. Нико Ковач шогирдлари рақиб дарвозасига 20 та гол йўлллашди.

Мюнхенликлар сафида 10 нафар футболчи ўз номини таблога ёздириб қўйди. Кингсли Коман, Роберт Левандовски, Сандро Вагнер ва Максимилиан Францке хет-трик қайд этган бўлса, Томас Мюллер ва Хамес Родригес дубльга эришди. Қолган голларни Тиаго, Рибери, Киммих ва Руди урди.

Шунингдек, “Роттах-Эгерн” футболчилари ҳам майдонни голсиз тарк этишмади. Улар Германиянинг амалдаги чемпионлари дарвозасини 2 бор ишғол этди.