Суперлига 21-тур доирасидаги “Қўқон-1912” – “Пахтакор” учрашувидан кейинги матбуот анжуманинг биринчи қисмида меҳмонлар устози Шота Арвеладзе ва “Пахтакор” футболчиси Шерзод Аъзамов иштирок этишди.
Шота Арвеладзе: - Бутун ўйин давомида устунлик биз томонда бўлди. Биринчи бўлим давомида яхши ҳаракат қилдик. Тўп назоратини ўзимизда сақлаб қолдик. Иккинчи бўлимда ҳисобни очгач, бироз хотиржамликка берилдик. Натижада гол ўтказиб юбордик. Вазиятни ўнглашга ҳаракат қилдик, лекин рақиб дарвозасини иккинчи марта ишғол қила олмадик.Умуман олганда қийин ўйин ўтказдик. Қийин ўйин бўлди.
Азим Аҳмедов сариқ карточкаси борлиги учун алмаштирдим. У иккинчи сариқ карточкани олиши хавфи бор эди.
Шерзод Аъзамов: - Вазиятлардан фойдалана олмаслик оқибатида икки очкодан маҳрум бўлдик. Гол ўтказиб юборилган вазиятда , барчамизни диққатимиз тўпда бўлди ва натижада Отақўзиевни кўздан қочирдик.
