Ушбу саҳифада ўзбекистонлик спортчиларнинг Осиё ўйинларидаги иштирокига оид тезкор янгиликлардан хабардор бўлиб боришингиз мумкин бўлди.
Шунинг билан бугунги онлайн трансляциямиз ниҳоясига етди.
Ушу. Акмал Рахимов қирғизистонлик рақибини мағлуб этди ва кейинги босқичга йўл олди.
Спорт гимнастикаси. Йигитларимиз жамоавий баҳсларда еттинчи натижани қайд этган ҳолда финалга йўл олишди.
Теннис. Аёллар ўртасидаги жуфтлик баҳсларида Нигина Абдураимова ҳамда Оқгул Омонмуродова жанубий кореялик рақибларга ютқазишди.
Аёллар кураши. Даулетбике Яхшимуратова бронза медали учун жангда жанубий кореялик рақибга 0:6 ҳисобида имкониятни бой бериб қўйди.
Теннис. Жўрабек Каримов ва Санжар Файзиев жуфтлик баҳсларида ливанлик рақибларни 6:3, 6:1 ҳисобларида мағлуб этиб, иккинчи даврага йўл олишди.
Таэквондо. Ниёз Пўлатов финалда жанубий кореялик рақибга имкониятни бой берди ва КУМУШ медални қўлга киритди!
Таэквондо. Ниёз Пўлатов -58 кг вазн тоифасида эронлик рақибини мағлубиятга учратиб, финал йўлланмасини қўлга киритди. Баракалла Ниёз!
Теннис. Истомин/Дўстов жуфтлиги ҳиндистонлик рақибларни 7:6, 6:2 ҳисобларида мағлубиятга учратишди.
Таэквондо. -67кг вазн тоифасида юртимиз шарафини ҳимоя қилаётган Нигора Турсунқулова ярим финалда жанубий кореялик рақибга имкониятни бой бериб қўйди ва БРОНЗА медали соҳибасига айланди.
Таэквондо. Нигора Турсунқулова ярим финалда Жанубий Корея, Ниёз Пўлатов эса эронлик рақибга қарши жанг ўтказади.
Эркин кураш. Давит Модзманашвили эронлик кучли рақибга мағлуб бўлди ва бронза медали учун курашадиган бўлди.
Таэквондо. -58кг вазн тоифасида баҳсларда иштирок этган Ниёз Пўлатов таиландлик рақибга қарши кечган қийин баҳсда 23:22 ҳисобида ғалаба қозониб, ярим финалга йўл олди.
Аёллар кураши. Даулетбике Яхшимуратова ҳиндистонлик спортчига ютқазиб қўйди. Энди у бронза медали учун гиламга чиқади.
Таэквондо. -67кг вазн тоифасида юртимиз шарафини ҳимоя қилаётган Нигора Турсунқулова макаолик рақибини мағлубиятга учратиб, ярим финалга йўл олди.
Эркин кураш. Давит Модзманашвили мўғулистонлик рақиб устидан 3:0 ҳисобида ғалаба қозонди ва ярим финалга йўл олди.
Теннис. Тўлаганова / Шарипова жуфтлиги кейинги босқичга йўл олди. Гап шундаки, Хитой Тайпейи теннисчиларидан бири жароҳат олди ва учрашувни давом эттира олмаслигини маълум қилди.
Теннис. Жўрабек Каримов ливанлик рақиби устидан 6:4, 7:5 ҳисобларида ғалаба қозонди.
Эркин кураш. Бироздан сўнг Давит Модзманашвили мўғулистонлик полвонга қарши жанг қилади.
Теннис. Ирода Тўлаганова ва Сабина Шарипова жуфтлик баҳсларида кортга чиқишди.
Теннис. Жўрабек Каримов ливанлик рақибга қарши баҳсда биринчи сетни ўз фойдасига ҳал қилди.
Аёллар кураши. Набира Есенбаева ҳиндистонлик спортчига ютқазиб қўйди. Агар ҳинд спортчиси финалгача етиб борадиган бўлса ҳамюртимизда бронза медали учун курашиш имконияти бўлади. Акс ҳолда Набира учун Осиё ўйинлари ниҳоясига етди.
Аёллар кураши. Даулатбике Яхшимуратова мўғулистонлик рақибасини мағлубиятга учратиб, ярим финалга йўл олди.
Теннис. Ўзбекистоннинг биринчи ракеткаси Денис Истомин покистонлик рақибни 2:0 ҳисобида мағлуб этиб, иккинчи даврага йўл олди.
Эркин ва аёллар кураши. Давид Модзманашвили чорак финалда мўғулистонлик, Набира Есенбаева ҳиндистонлик, Даулетбике Яхшимуратова ҳам мўғулистонлик курашчиларга қарши гиламга чиқадилар. Спортчиларимизга омад!
Аёллар кураши. Даулетбике Яхшимуратова вьетнамлик рақибаси устидан 12:2 ҳисобида ғалаба қозонди. Севара Ешмуратова япониялик спортчига 0:10 ҳисобида мағлуб бўлди. Набира Есенбаева илк жангида индонезиялик рақибини муддатидан олдин 7:0 ҳисобида мағлубиятга учратди.
Эркин кураш. Давид Модзманашвили индонезиялик рақиби устидан соф ғалабага эришди!
Теннис. Сабина Шарипова вьетнамлик рақибасини 7:5, 6:3 ҳисобларида мағлуб этди.
Таэквондо бўйича баҳсларда техник танаффус эълон қилинди. Бироздан сўнг баҳслар давом эттирилади. Ниёз Пўлатов ва Нигора Турсунқулова ярим финал чиптаси учун кураш олиб борадилар.
Теннис. Сабина Шарипова биринчи сетда вьетнамлик Ксила Фодорни 7:5 ҳисобида мағлубиятга учратди.
Теннис. Сабина Шарипова вьетнамлик рақибга қарши учрашувни бошламоқда.
Таэквондо. Ниёз Пўлатов осон бўлмаган жангда Хитой Тайпейи вакилидан 30:28 ҳисобида устун келди ва чорак финалга йўл олди.
Академик эшкак эшиш. Тўртталик баҳсларида иштирок этган ҳамюртларимиз маррага учинчи бўлиб етиб боришди ва кейинги босқичга йўл олишди.
Теннис. Нигина Абдураимова қозоғистонлик рақибасини 0:6, 6:2, 6:2 ҳисобларида мағлубиятга учратиб, кейинги босқичга йўл олди.
Таэквондо. Ниёз Пўлатов ҳам ғалаба билан бошлади. У илк жангида Хитой Тайпейидан ташриф буюрган рақибини 7:2 ҳисобида мағлуб этди.
Таэквондо. Динора Мамадибрагимова қозоғистонлик рақибга 16:17 ҳисобида имкониятни бой бериб қўйди.
Теннис. Нигина Абдураимова қозоғистонлик рақибга қарши баҳсда ҳисобни тенглаштирди. Сетлар бўйича ҳисоб 1:1!
Ушу. ҲАМЮРТИМИЗ ДАРЬЯ ЛАТИШЕВА ТАУЛУ БАҲСЛАРИДА ИККИНЧИ НАТИЖАНИ ҚАЙД ЭТДИ ВА КУМУШ МЕДАЛЬ СОҲИБАСИГА АЙЛАНДИ!
Таэквондо. Нигора Турсунқулова илк жангида гонконглик рақибини катта устунлик билан мағлуб этди ва кейинги босқичга йўл олди. Яхши, шундай давом этамиз!
Академик эшкак эшиш. Саккизталик баҳсларда стартга чиққан спортчиларимиз финишга биринчи бўлиб етиб боришди ва тўғридан-тўғри финалда иштирок этиш ҳуқуқини қўлга киритдилар.
Теннис. Нигина Абдураимова қозоғистонлик Анна Данилинага қарши баҳс олиб бормоқда. Афсуски, у биринчи сетдан сўнг имкониятни бой бермоқда.
Ўқ отиш. Вадим Скороваров саралаш баҳсларида муваффақиятли иштирок этди ва финал йўлланмасини қўлга киритди. Бироздан сўнг у медаллар учун курашни бошлайди.
Академик эшкак эшиш. Шаҳбоз Холмурзаев ўз чиқишида учинчи кўрсаткични қайд этди ва кейинги босқичга йўл олди.
Бугун мусобақаларга киришадиган спортчиларимиз рўйхати:
Таэквондо WTF
Саралаш ва финал
-67 кг: Нигора Турсунқулова
-58 кг: Ниёз Пўлатов
-53 кг: Динара Мамадибрагимова
Эркин кураш
Саралаш ва финал
-125 кг: Давит Модзманашвили
-50 кг: Даулатбике Яхшимуратова
-53 кг: Севара Эшмуратова
-57 кг: Набира Эсанбоева
Ўқ отиш
Саралаш ва финал
-Скораваров Вадим
-Пардабоева Зайнаб
-Мамедова Сакина
Ушу
Латишева Д (Таулу, финал)
Ҳайдаров И (Нимчорак)
Раҳимов А (Нимчорак)
Спорт гимнастикаси
Саралаш (Брас, Индивидуал, Жамоавий)
Фокин А
Азимов А
Абдураҳимов Р
Абдусаматов Х
Ҳамроқулов А
Академик эшкак эшиш
Саккизталик ЛМ8+ 2000 м (саралаш) – 11:00-14:00
Яров А
Баҳриев Д
Мамбетназаров I
Хурсанов Д
Нажмиев Ш
Раҳимов О
Ҳакимов Ш
Усмонов З
Краснов А
Тўртталик М4х 2000 м (саралаш) – 11:00-14:00
Давронов У
Астанов Ф
Муҳаммедов А
Абдужабборов Ш
Теннис
Яккалик, 2-босқич
Денис Истомин
Санжар Файзиев
Сабина Шарипова
Нигина Абдураимова
Жуфтлик, эркаклар, 1-босқич
Денис Истомин/Фаррух Дўстов
Санжар Файзиев/Жўрабек Каримов
Жуфтлик, аёллар, 1-босқич
Ирода Тўлаганова/Сабина Шарипова
Нигина Абдураимова/Оқгул Омонмуродова
