Ўзбекистон – Эрон ўйини олдидан бугун Тошкент шаҳридаги “Интерконтинентал” меҳмонхонасида ҳар икки жамоа аъзолари иштирокида матбуот анжумани ўтказиляпти.
Айни вақтда Stadion.uz журналисти Акмалхон Эшонхонов матбуот анжуманида Ўзбекистон МТЖ мураббийи Эктор Купернинг билдираётган фикрларини сизларга еткизмоқда.
“Пенальти масаласига ойдинлик киритмоқчиман. Пенальтини ким тепишини мен ҳал қиламан. Марат Бикмаевми, Отабек Шукуровми менинг кўрсатмамга амал қилиши шарт.
Мен Маратга пенальти бўлса, сен тепасан деб айтганман ва буни ўша вазиятда бошқа футболчилар билмасди. Бу вазият сизларга тушунмовчилик бўлиб туюлган бўлса-да, аслида ундай эмас”, дейди Купер.
