"ПСЖ" бош мураббийи Томас Тухель жамоанинг асосий дарвозабони ким бўлиши ҳақида илқ тўхтамга келди.

"Ҳа, аниқладим. Қарор якуний эмас, аммо Альфонсга асосий дарвозабон номи учун курашда фаворит эканини айтдим. У академия тарбияланувчиси, "ПСЖ" - унинг учун ҳамма нарса. Бор гап шу. У ўзини кўрсатиш учун қаттиқ ҳаракат қилмоқда, бу ҳурмат уйғотмоқда. Шундай ўйинчиларимиз борлиги фахр туйғусини уйғотади.

Буффон билан вазият бошқача. У афсона, Альфонснинг кумири. Ҳар иккиси кучли шахсдирлар. Биз нозик қадам қўйишимиз керак, Жижи ҳам, Альфонс ҳам буни биладилар.

Жижи шунчаки ўриндиқ ўйинчиси эмас. Унинг жамоага таъсири катта. Масалан, у "Генгам"га қарши қойилмақом ўйнади, иккинчи бўлимда бизни қутқарди. Аммо у бугун захирада, чунки Ареоль ўйнаши керак", - дейди Тухель.