"Барселона" бош мураббийи Эрнесто Вальверде замонавий футболда совринлар ва тантанали маросимлар кўплиги ҳақида фикр билдирди
"Аввал бунчалик кўп совринлар йўқ эди, совриндорларга бу қадар эътибор ҳам йўқ эди. Ҳозир кўп нарса ўзгарди ва футболда совринлар кўпайди, уни топшириш учун катта маросимлар ўтказилмоқда ва кенг ёритилмоқда.
Менимча, улар ташкилотларнинг рекламаси учун керак, улар ҳаммани футболдан чалғитмоқда ва кўп баҳсларга сабаб бўлмоқда. Футбол - бу спорт, аммо бундай нарсалар уни шоу-бизнесга ўхшатиб қўймоқда.
Ғалабага ким лойиқ эди? Ҳар кимнинг ўз фикри бор, Модрич ажойиб йилни ўтказган бўлсада, энг яхши деб Мессини биламиз. Футболчиларни таққослашни ёмон кўраман", - дейди Вальверде.
Вальверде энг яхши мураббий сўровномасида 8-ўринни эгаллади.
