“Манчестер Юнайтед” бош мураббийи Жозе Моуринью матбуот анжуманида ярим ҳимоячи Поль Погба билан бўлган низо ҳақида фикр билдирди.

“Сизларга нима бўлгани ҳақида айтолмайман. Машғулот очиқ бўлганди. Сизларда бир нечта камера бор эди ва камералар суҳбатимизнинг бир қисмини ёзиб олган бўлиши мумкин. Ўзаро суҳбатимизга изоҳ беролмайман бу шахсий масала.

Сардор ўринбосарларига келсак, мен бу масала ҳақида кимлар хабар топишини батафсил кўриб чиқдим. Бу қарор ҳақида жамоа ва айниқса Поль яхши хабардор. Шунинг учун, Погба ва бошқа футболчилар нега янги сардор тайинлаганимизни биладилар.

Мен ҳар доим футболчини, футболчидек таҳлил қиламан. Футболчи сардор бўлса, уни ҳам футболчи ҳам сардор сифатида ўрганиб чиқаман. Бир ҳафтадан кейин таҳлил қилиш ва фикрлар алмашунувидан сўнг мен ва мураббийлар штаби Погба сардор эмас, балки оддий футболчи эканлигини амин бўлдик. Қарор қабул қилинди.

Мен уни ва бошқа футболчиларни бу ҳақда хабардор қилдим. Мендан бу масала бўйича сешанба куни сўрашганди ва буни тасдиқлагандим, хуллас ҳикоя тугади.

Машғулотлар давомида Погбадек ҳеч ким шуғулланмади. Машғлуотларда унга етадиган футболчини кўрмадим. У эртага майдонга тушади.

Погба ҳам бошқа футболчиларга ўхшаган футболчи. Ҳеч қачон футболчи жамоадан устун бўла олмайди. Агар унинг ўйинидан қониқсам, майдонга тушади, қониқмасам йўқ.

Мени безовта қилаётгани бу сизлар нега ўйин эмас, балки Погба ҳақида сўраётганинглар”, – дейди Моуриньо.