3 октябрь куни “Бунёдкор” жамоасига қарши ўтадиган учрашувга тайёргарлик кўраётган Наманганнинг “Навбаҳор” жамоаси бугундан машғулотларни Тошкентда давом эттиради.
Кеча “Навбаҳор” аъзолари куннинг биринчи ярмида Намангандаги сўнгги машғулотни ўтказишганди.
Бугун эрта тонгда Тошкент сари йўлга тушган наманганликлар кечки машғулотларда иштирок этади. Бугун улар “Локомотив” спорт мажмуасида илк машғулотга киришишди.
Эслатиб ўтамиз, “Бунёдкор” жамоаси билан ўтадиган учрашув 3 октябрь куни соат 20:00да “Миллий” ўйингоҳда бошланади.
