Испаниянинг “Барселона” клуби ярим ҳимоячиси  Артуро Видаль “Бавария”дан ўтгандан сўнг мавсумни омадсиз бошлади.

Чилилик футболчи асосий таркида ўйнамаётганидан жаҳли чиқяпти. “Тоттенхэм”га қарши учрашувдан сўнг у янада ғазабланган. Видаль бу учрашувда тўлиқ ўйнашига ишонганди бироқ, футболчи ўйиннинг сўнги 4 дақиқасида майдонга тушди.

У “Барселона” келганда асосий таркиб футболчиси бўлишига ишонганди. Шунинг учун у “Интер” таклифини рад этиб, “Барса”га ўтганди.

Унинг фикрича тиззасидаги  жароҳати унинг ўйин амалиётига таъсир утказмаслиги керак, бироқ мураббийлар штаби эса буни унга баҳона сифатида кўрсатмоқда. 31 ёшли ўйинчи вазиятдан норози эканини мураббийларга ва агентига билдирган, аммо ҳозирча зиддиятга киришмасликни маъқул топмоқда.

Жорий мавсумда Видаль ҳали бирор ўйинда тўлиқ вақт тўп сургани йўқ. У бор-йўғи 2 марта асосий таркибда майдонга тушди.