Ispaniyaning “Barselona” klubi yarim himoyachisi  Arturo Vidal “Bavariya”dan o‘tgandan so‘ng mavsumni omadsiz boshladi.

Chililik futbolchi asosiy tarkida o‘ynamayotganidan jahli chiqyapti. “Tottenxem”ga qarshi uchrashuvdan so‘ng u yanada g‘azablangan. Vidal bu uchrashuvda to‘liq o‘ynashiga ishongandi biroq, futbolchi o‘yinning so‘ngi 4 daqiqasida maydonga tushdi.

U “Barselona” kelganda asosiy tarkib futbolchisi bo‘lishiga ishongandi. Shuning uchun u “Inter” taklifini rad etib, “Barsa”ga o‘tgandi.

Uning fikricha tizzasidagi  jarohati uning o‘yin amaliyotiga ta’sir utkazmasligi kerak, biroq murabbiylar shtabi esa buni unga bahona sifatida ko‘rsatmoqda. 31 yoshli o‘yinchi vaziyatdan norozi ekanini murabbiylarga va agentiga bildirgan, ammo hozircha ziddiyatga kirishmaslikni ma’qul topmoqda.

Joriy mavsumda Vidal hali biror o‘yinda to‘liq vaqt to‘p surgani yo‘q. U bor-yo‘g‘i 2 marta asosiy tarkibda maydonga tushdi.