Фарғонанинг “Истиқлол” клуби футболчиси Обид Жўрабоев Про-лига 28-туридан ўрин олган “Шўртан”га (0:1) қарши кечган учрашувдан сўнг ўйин ҳақидаги фикрларини билдириб ўтди.

“Бугунги ўйинни собиқ жамоам “Шўртан”га қарши ўтказдик. Мен бу жамоа сафида 4-йил тўп сурганман. Ҳозирда “Истиқлол” жамоасида ўйнаётганимдан хурсандман.

Тўғрисини айтсам, бугунги ўйин осон бўлмади. Биринчи бўлимда устунлик биз томонда бўлди. Кўплаб вазиятлар яратдик. Иккинчи бўлимда эса мезбонлар яхши ҳаракат қилишди.

Узоқ йўл босиб келганимизгами иккинчи бўлимда сустроқ ҳаракат қилдик. Бу учрашувда омад биз томонга кулиб боқди.

Бизда аҳил жамоа йиғилган. “Истиқлол” нафақат бу ўйинда барча учрашувларда ғалаба қозонишни истайди. Бизнинг ягона мақсадимиз Суперлигага чиқиш”, дейди тажрибали ҳимоячи.

Маълумот учун, мазкур ғалабадан сўнг “Истиқлол” жамоаси Про-лига турнир жадвалида 45 очко билан 3-ўринда бормоқда.