Аввалроқ Наманганнинг “Навбаҳор” клубида жиддий ўзгаришлар бўлиши ҳақида хабар берган эдик.
Stadion.uz манбасининг маълум қилишича клубдаги жиддий ўзгариш: бу эртага мураббий Илҳом Мўминжоновнинг истеъфоси ва россиялик мутахассис Андрей Канчельскиснинг тайинланиши бўлади.
Шунингдек, Андрей Канчельскис ўзи билан бирга “Навбаҳор”га 1986 йилдаги “Олтин тўп” соҳиби таниқли собиқ футболчи 58 ёшли Игорь Белановни ҳам Наманганга чақирган.
Беланов “Навбаҳор”да Канчельскисга ёрдамчи мураббий сифатида тайинланиши кутилмоқда. Бироқ Игорь Беланов Ўзбекистонга бир ҳафтадан сўнг келиши айтилди.
Россиялик мутахассис эртага, 7 октябрь куни Наманганга етиб келади, уни аэрапортда клуб раҳбарияти, маҳаллий мухлислар кутиб олади.
