Бугун Наманганнинг “Навбаҳор” клубида ваъда қилинганидек жиддий ўзгаришлар рўй берди.
Мураббий Илҳом Мўминжонов ўрнига россиялик таниқли мураббий Андрей Канчельскис тайинланди.
Миш-мишларга кўра, унга яна бир тажрибали мутахассис Игорь Беланов ёрдам бериши мумкин. Агар музокаралар муваффақиятли якунига етса, Беланов ҳам Наманган жамоасида иш бошлайди.
Шунингдек, энди “Навбаҳор” футбол клубининг пиар директори лавозимида таниқли актёр ва шарҳловчи Алишер Узоқов фаолият олиб борадиган бўлди.
Маълумот ўрнида, “Навбаҳор” Суперлиганинг иккинчи босқич 13-туридан сўнг 21 очко тўплаб, 3-ўринни эгаллаб турибди.
