Bugun Namanganning “Navbahor” klubida va’da qilinganidek jiddiy o‘zgarishlar ro‘y berdi.
Murabbiy Ilhom Mo‘minjonov o‘rniga rossiyalik taniqli murabbiy Andrey Kanchelskis tayinlandi.
Mish-mishlarga ko‘ra, unga yana bir tajribali mutaxassis Igor Belanov yordam berishi mumkin. Agar muzokaralar muvaffaqiyatli yakuniga yetsa, Belanov ham Namangan jamoasida ish boshlaydi.
Shuningdek, endi “Navbahor” futbol klubining piar direktori lavozimida taniqli aktyor va sharhlovchi Alisher Uzoqov faoliyat olib boradigan bo‘ldi.
Ma’lumot o‘rnida, “Navbahor” Superliganing ikkinchi bosqich 13-turidan so‘ng 21 ochko to‘plab, 3-o‘rinni egallab turibdi.
