ПСЖ дарвозабони Жанлуижи Буффон фаолиятини якунлаш ҳақида ўйламаяпти. Ёзда футболчи “Ювентус”ни тарк этиб парижликлар сафига келиб қўшилганди.
“Бир неча йил олдин ўзимга чегара қўйиб катта хато қилганман. Мен фаолиятимни 35 ёшда тугатаман деб ўйлаган эдим бироқ баъзи ҳолларда ўйнашга мажбур бўлдим. 38 ёшимда мен фаолиятимни 40 ёшда тугатиш ҳақида ўйладим.
Аммо ҳозир ҳам майдондаман. Балки 6 ойдан кейин кетарман, балки 1 ёки 10 йилдан кейин. Мен фаолиятимни қачон тугатишни билишни хоҳлайман. Биламан, бу ҳодиса рўй беради, бироқ фаолиятимни якунлаш ҳеч кимга янгилик бўлмайди”, дейди Буффон.
