“Манчестер Сити” дарвозабони Эдерсон Алиссон билан Бразилия терма жамоасида рақобат қандай кечишини айтди.

“Менимча, у билан ўхшаш жиҳатларимиз кўп. У “Ливерпуль”да ажойиб мавсумни бошидан кечиряпти.

Терма жамоада у мендан бир қадам олдинда. Алиссон ЖЧда ўйнайди. Терма жамоада кучли дарвозабонлар кўп. Ким майдонга тушишидан қатъий назар у яхши ўйнайди.

Бразилия терма жамоасининг аъзоси бўлсанг сендан кўп нарса кутишади. Ўз вақтингни кутиб ўтирган бўлсанг янада кўпроғини кутишади. Алиссон менинг дўстим”, - дейди Эдерсон.