Испания терма жамоасининг ҳимоячиси Серхио Рамос Миллатлар лигасида Англияга қарши ўйин олдидан фикрлари билан ўртоқлашди.
"Эртага бизни ақлбовар қилмас жамоа билан қийин ўйин кутиб турибди. Англия - қойилмақом терма жамоа. Биз у билан "Уэмбли"да яхши ўйин кўрсатдик ва уйда ҳам шундай цилмоқчимиз. Улар ЖЧ-2018 яримфиналида ўйнаганлар, кучли жиҳатлари етарли.
Ҳарри Кейн? Унинг голсиз серияси давом этиши учун ҳамма нарса қиламиз. Мен рақибнинг ҳамма ўйинчилари ўйинига қойил қоламан. Улар АПЛда ўйнайдилар, жисмонан кучли, бошқа яхши сафатлари ҳам кўп. Кейин жисмонан ва техник жиҳатдан ажралиб туради", - дейди Рамос.
