7 октябрь куни Наманганнинг “Навбаҳор” жамоасида россиялик мутахассис Андрей Канчельскис бош мураббий лавозимида иш бошлаб, клуб билан шу йилнинг охиригача ва +1 кўринишидаги шартномага имзо чекканди.
Бугун яна бир россиялик мутахассис Алексей Ильич Беленков Наманганга етиб келди ҳамда клуб билан шартнома имзолади. Беленков билан ҳам шу йилнинг охирига қадар ҳамда + 1 кўринишидаги шартнома имзоланди. Алексей Беленков “Навбаҳор”да ёрдамчи мураббий сифатида иш бошлади.
“Навбаҳор” ПФК раҳбарияти ва ишчи-ходимлари жамоанинг янги мураббийлар штабига бўлажак ўйинларда омад ва зафар ёр бўлишини тилаб қолишади.
“Навбаҳор” ПФК матбуот хизмати.
