Германия терма жамоаси Миллатлар лигасида Францияга мағлуб бўлди (1:2).

Немислар 2018 йилда 6 марта мағлубият аламини татиб кўрдилар. Бу тарихдаги энг ёмон натижа.

Бунгача Германия (ГФР) 1985 ва 1956 йилларда 5 мартадан мағлубиятга учраган эдилар.

Йоахим Лёв шогирдлари 2018 йилда Бразилия (0:1) ва Австрия (1:2) термаларига ўртоқлик учрашувларида, ЖЧ-2018да эса Мексика (0:1) ва Жанубий Корея (0:2) термаларига мағлуб бўлганлар. Шунингдек Миллатлар лигасида Голландия (0:2) ва Францияга (1:2) қарши ўйинлар бой берилган.

Германия йил давомида 3 марта ғалаба қозонди ва 2 марта дуранг ўйнади. Бундан ташқари немислар 2000 йилдан буён илк марта қаторасига икки расмий ўйинда ютқаздилар.

Германия 2018 йилнинг 11 учрашувида бир марта гол ўтказмадилар. Бу 54 йиллик антирекорддир. Ўшанда немислар барча 5 ўйинда гол ўтказишган.