«Челси» раҳбарияти ярим ҳимоячи Эден Азар билан шартномани узайтириш борасида иш олиб бормоқда. Унинг лондонликлар билан амалдаги шартномаси 2020 йилга қадар амалда бўлади.
Тайёрналаётган янги шартномага кўра, бельгиялик футболчи 18 миллион евро йиллик маош ола бошлайди. У ҳозирда йилига 10,4 миллион фунт стерлинг маош олмоқда.
Азар 2012 йилда «Челси»га ўтиб, 2015 йилда шартномани узайтирганди. У лондонликлар сафида 2 марта Англия чемпионлигини қўлга киритди.
Ушбу мавсумда Эден 9та ўйинда майдонга тушиб, уларда 8та гол урди ва 3та голга ассистентлик қилди.