Суперлиганинг 26-тури доирасида "Пахтакор"га қарши учрашувдан кейин "Локомотив" бош мураббийи Андрей Фёдоров ўз фикрларини билдириб ўтди.

"Бугун яхши ўйин бўлди, мухлислар бир-бирига муносиб бўлган жамоаларнинг ўйинини кузатишди. Баҳс "йил ўйини" мақомига мос кечди ва бу томошабинларга жуда ҳам ёқди. Икки жамоанинг футболчилари ҳам босимни илк дақиқалардан сўнгги сонияларгача ҳис қилишди. Баҳсгача рақиб билан ўтган кубок ўйинини тахлил қилдик. Ўшанда ўйинимиз ўхшамаганди. Учрашувдаги камчиликларимиз ва муаммоларимизни ўрганиб чиқдик. Қилинган ишлар ҳам рақибни мағлубиятга учратишимизда анча қўл келди. Йигитлар ўша баҳсда етишмаган кучни бу сафар ўзларида топа олишди. Асосийси, муҳим ғалабага эришдик. Йигитларга раҳмат айтаман, улар ўйинга руҳий томондан ҳам яхши тайёргарлик кўришди", — деди Фёдоров.