Кириш Регистрация
28/03 19:00 Динамо - Металлург
29/03 19:00 ОКМК - Бунёдкор
29/03 19:15 Қизилқум - Локомотив

Ла лига. «Барселона» 1-ўринга кўтарилиб олди

Баҳо:
+ | -

Испания чемпионатининг 9-тури доирасида "Барселона" ўз майдонида "Севилья"ни қабул қилди. Вальверде шогирдлари Ла лигада 4та ўйинга чўзилган ғалабасиз ўйинлар сериясига чек қўйишди.

Мезбонлар баҳснинг 12-дақиқасига қадар андалусияликлар дарвозасига 2та гол уришга муваффақ бўлишди. Дастлаб, 2-дақиқада Мессининг узатмасидан кейин Коутиньо аниқ зарба билан Вацлик қўриқлаётган дарвозани ишғол этган бўлса, орадан 10 дақиқа ўтиб Леонинг ўзи жарима майдончаси ташқарисидан "Севилья" дарвозасини забт этди.

Учрашувнинг 26-дақиқасида Лионель Месси қўлидан жароҳат олиб, майдонни тарк этди. Сардорсиз қолган каталонияликларнинг ўйинида пасайиш юз берди. Марк-Андре тер Штеген камида 3та яққол вазиятда жамоасини голдан қутқарди.

Иккинчи бўлимда Луис Суарес индивидуал маҳорати эвазига пенальти ишлаб, уни голга айлантирди. Иван Ракитичнинг аниқ зарбаси эса олис бурчакка бориб тушди. Ўз навбатида, "Севилья" ҳам ўйин сўнгида "кўк-анорранглилар" дарвозасига 2 марта йўл топишди. Якуний ҳисоб — 4:2.

Шу тариқа, "Барселона" ўз очколарини 18тага етказиб, Ла лигада жадвалида 1-ўринга қайтди.

Испания Ла лигаси, 9-тур
Барселона – Севилья 4:2 (2:0, 2:2)
Голлар: 1:0 – 2 Коутиньо, 2:0 – 12 Месси, 3:0 – 63, пенальти Суарес, 3:1 – 79 Сарабия, 4:1 – 88 Ракитич, 4:2 – 90 Муриэль.
Барселона – тер Стеген, Лангле, Альба, Нелсон Семеду, Пике, Бускетс, Артур (Серджи Роберто, 67), Ракитич, Коутиньо, Месси (Дембеле, 26), Суарес (Мунир, 81).
Севилья – Вацлик, Гомес, Кьер (Меркадо, 54), Каррису, Арана, Васкес (Меса, 69), Банега, Навас, Сарабия, Андре Силва (Муриэль, 78), Бен-Йеддер.
Огоҳлантириш: Вацлик (62).

Манба: stadion.uz
Киритилди: 01:45, 21.10.2018.
Ўқилди: 5836 марта.
Фикрлар: 1 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.