«Барселона» ҳужумчиси Лионель Месси "Севилья"га қарши ўйинда олган жароҳати туфайли 3 ҳафта майдонга туша олмайдиган бўлди. Бу ҳақда каталонияликлар расмий Твиттери хабар тарқатди.
«Месси тиббий кўрикдан ўтганидан сўнг унинг ўнг қўлидаги билак суяги сингани аниқланди. Тахминан 3 ҳафта давомида у майдондан ташқарида бўлади», – дея хабар тарқатди «Барселона» клубининг Твиттердаги расмий саҳифаси.
Аргентиналик футболчи ЕЧЛ доирасида "Интер", Ла лиганинг 10-тури доирасида "Реал"га қарши "класико", Испания кубоги баҳси, шунингдек, "Райо Вальекано" ва "Бетис"га қарши ўйинларни ўтказиб юборади.
Месси «Севилья» ҳимоячиси Франко Васкес билан тўқнашув оқибатида ерга қўли билан ноқулай йиқилди ва мазкур жароҳатни олди.
