“Манчестер Юнайтед” чемпионлар лигаси гуруҳ босқичининг “Ювентус”га қарши учрашувдан сўнг, УЕФА томонидан санкциялар жорий қилиниши мумкин.
УЕФА тартиб-интизом қўмитаси Манкунианликлар майдонга бегона шахслар киритгани учун жазога тортиши мумкин. Эслатиб ўтамиз, ўйиннинг биринчи ярмида бир мухлис Криштиану Роналдунинг олдига расмга тушиш учун югуриб борди. Бироқ, стюардлар мухлисни майдондан олиб чиқиб кетишмоқчи бўлди. Шунга қарамай, Роналду мухлис билан суратга тушди.
Ўйин сўнггида эса яна бир мухлис майдонга чиқиб, Роналдунинг олдига келди. Криштиану уни ҳам хурсанд қилди.
Маълумот учун, “Ювентус” “қизил иблислар”ни кичик ҳисобда мағлуб этди.
Аввалроқ, УЕФА “Юнайтед”ни “Валенсия”га қарши учрашувга кечикиб келгани учун жаримага тортганди.