Италиянинг Милан клуби молиявий фейр-плей қоидаларига бўйсунмагани сабабли Европа Лигасидаги иштироки учун тўланадиган мукофот пулларидан маҳрум бўлиши мумкин. Бу ҳақда клуб президенти Паоло Скарони "Football Italia" нашрига маълум қилди.
"Биз ҳамон УЕФА нинг қарорини кутяпмиз. Ассоциация бизни мусобақада Европа Лигасида иштирок этиш учун тўланадиган мукофот пулларидан маҳрум қилиши мумкин. Европа Лигасида қатнашишимиз билан боғлиқ масалани кўриб чиқаётган судьялар мусобақадаги иштирокимиздан келадиган даромадларни ҳукм чиққунига қадар блоклашга қарор қилишди.
Шу сабабли биз ушбу даромадларни ҳисобимизга ўтказа олмаяпмиз ва УЕФА нинг қарорини кутяпмиз. Айни пайтда ҳисобимизга ўтказилиши керак бўлган 2,5 млн евро ушлаб турилибди", – дейди Скарони.
Қайд этиш лозим, УЕФА ёзда Миланни Европа Лигасида иштирок этиш ҳуқуқидан маҳрум қилганди. Кейинчалик CAS эса ушбу қарорни бекор қилганди.
