УЕФА Европа лигасининг 3-тури якунлари бўйича ҳафтанинг энг яхши футболчиси номига даъвогар 4 нафар ўйинчини эълон қилди.
Даъвогарлар сафига «Ред Булл Зальцбург» ҳужумчиси Мунас Даббур, «Челси» ярим ҳимоячиси Рубен Лофтус-Чик, «Бетис» ярим ҳимоячиси Жовани Ло Чельсо ва «Фенербахче» ҳужумчиси Михаэль Фрай кирди.
Даббур «Русенборг»га қарши ўйинда (3:0) "дубл"га эришган бўлса, Лофтус-Чик БАТЭ билан баҳсда (3:1) "хет-трик"ни расмийлаштирди. Ло Чельсо «Милан» билан учрашувда (2:1) битта гол урди ва битта голга узатма берди. Шунингдек, Фрай ҳам «Андерлехт»га қарши баҳсда (2:2) битта гол ва битта голли узатмага муаллифлик қилди.
