Испания чемпионатининг 10-туридан ўрин олган «Барселона» – «Реал» Мадрид учрашуви ўз ниҳоясига етди. «Камп Ноу» стадионида бўлиб ўтган ўйинда мезбонлар йирик ғалабани қўлга киритишди.

Ўйин мезбонларнинг устунлигида бошланди ва бу тез орада ўз самарасини берди. 11-дақиқада ўз самарасини берди: Хорди Альба ўнг қанотдан тезлик олиб тўпни жарима майдонига узатди, у ерда назоратсиз қолдирилган Филиппе Коутиньо яқин масофада дарвозани ишғол қилди.

Иккинчи бўлим ўрталарида Рафаэль Варан ўз жарима майдони ичида Луис Суаресни қўполлик билан тўхтатиб қолди, ҳакам видеотакрорлардан сўнг пенальти белгилади. Уни жабрланувчининг ўзи аниқ бажарди.

Иккинчи бўлим старти мадридликлар устунлигада ўтди ва Марсело 50-дақиқада жамоасининг комбинациясини муваффақиятли якунлади. Бу голдан сўнг меҳмонларда яна бир қатор имкониятлар юзага келди, аммо улардан самара чиқмади.

Бироқ 75-дақиқадаги Луис Суареснинг голи барчасига нуқта қўйиб берди. 83-дақиқада Рамоснинг хатосидан сўнг мезбонлар ҳужумга ўтишди ва уни Суарес гол билан якунлади.  87-дақиқада Артуро Видаль боши билан аниқ зарба йўллаб якуний ҳисобни ўрнатди.

Ла Лига, 10-тур

Барселона – Реал Мадрид 5:1 (2:0, 3:1)

Голлар: 1:0 – 11 Коутиньо, 2:0 – 30, пенальти Суарес, 2:1 – 50 Марсело, 3:1 – 75 Суарес, 4:1 – 83 Суарес, 5:1 – 87 Видаль.

Барселона – тер Стеген, Пике, Альба, Серджи Роберто, Лангле, Артур (Видаль, 84), Бускетс, Рафинья (Нелсон Семеду, 69), Ракитич, Коутиньо (Дембеле, 74), Суарес.

Реал Мадрид – Куртуа, Варан (Васкес, 46), Марсело (Диас, 82), Начо, Рамос, Кроос, Каземиро, Иско, Модрич, Бэйл (Асенсио, 77), Бензема.

Огоҳлантиришлар: Ракитич (38), Начо (39), Бэйл (53), Суарес (77).