Ispaniya chempionatining 10-turidan o‘rin olgan «Barselona» – «Real» Madrid uchrashuvi o‘z nihoyasiga yetdi. «Kamp Nou» stadionida bo‘lib o‘tgan o‘yinda mezbonlar yirik g‘alabani qo‘lga kiritishdi.
O‘yin mezbonlarning ustunligida boshlandi va bu tez orada o‘z samarasini berdi. 11-daqiqada o‘z samarasini berdi: Xordi Alba o‘ng qanotdan tezlik olib to‘pni jarima maydoniga uzatdi, u yerda nazoratsiz qoldirilgan Filippe Koutinyo yaqin masofada darvozani ishg‘ol qildi.
Ikkinchi bo‘lim o‘rtalarida Rafael Varan o‘z jarima maydoni ichida Luis Suaresni qo‘pollik bilan to‘xtatib qoldi, hakam videotakrorlardan so‘ng penalti belgiladi. Uni jabrlanuvchining o‘zi aniq bajardi.
Ikkinchi bo‘lim starti madridliklar ustunligada o‘tdi va Marselo 50-daqiqada jamoasining kombinasiyasini muvaffaqiyatli yakunladi. Bu goldan so‘ng mehmonlarda yana bir qator imkoniyatlar yuzaga keldi, ammo ulardan samara chiqmadi.
Biroq 75-daqiqadagi Luis Suaresning goli barchasiga nuqta qo‘yib berdi. 83-daqiqada Ramosning xatosidan so‘ng mezbonlar hujumga o‘tishdi va uni Suares gol bilan yakunladi. 87-daqiqada Arturo Vidal boshi bilan aniq zarba yo‘llab yakuniy hisobni o‘rnatdi.
La Liga, 10-tur
Barselona – Real Madrid 5:1 (2:0, 3:1)
Gollar: 1:0 – 11 Koutinyo, 2:0 – 30, penalti Suares, 2:1 – 50 Marselo, 3:1 – 75 Suares, 4:1 – 83 Suares, 5:1 – 87 Vidal.
Barselona – ter Stegen, Pike, Alba, Serdji Roberto, Langle, Artur (Vidal, 84), Buskets, Rafinya (Nelson Semedu, 69), Rakitich, Koutinyo (Dembele, 74), Suares.
Real Madrid – Kurtua, Varan (Vaskes, 46), Marselo (Dias, 82), Nacho, Ramos, Kroos, Kazemiro, Isko, Modrich, Beyl (Asensio, 77), Benzema.
Ogohlantirishlar: Rakitich (38), Nacho (39), Beyl (53), Suares (77).
