“Реал” мураббий Хулен Лопетеги бошқарувида сафардаги тўртта ўйинда кетма-кет мағлуб бўлди.
“Қироллик клуби” дастлаб “Севилья”га (0:3) кейин “Алавес” (0:1) ҳамда “Барселона”га (1:5) ютқазди. Шунингдек, ЕЧЛ доирасида ЦСКАга кичик 0:1 ҳисобида мағлуб бўлди.
Эътиборлиси, “Реал” 2002 йилнинг январь-февраль ойидан сўнг кетма-кет 4 марта мағлубиятга учради.
Ўшанда “бланкос” мураббий Висенте Дель Боске қўл остида примерода “Эспаньол” (1:2), “Вальядолид” (1:2) ва “Атлетик” (1:2)га ютқазган. Бундан ташқари, “Реал” Испания кубоги ярим финалининг дастлабки баҳсида “Атлетик”га 1:2га ютқазиб қўйган.