“Барселона” тарбияланувчиси Марк Кросас “Реал” президенти Флорентино Пересни танқид остига олди. У Хулен Лопетегининг Испания термасидан кетиб, “Реал” мураббийига айланишини қоралади.

Футболчи твиттердаги саҳифасида шундай гапларни ёзди: “Перес нималар қилиб қўйганини тушуняптими? У ўз қарори билан аввал Испанияни, энди эса тарихдаги энг кучли “Реал”ни чўктирди”.

Маълумот учун, айнан “қироллик клуби” бош мураббийига айланганидан кейин Лопетеги Испания терма жамоасидан бўшатилган, кейин унинг ўрнини Фернандо Йерро эгаллаган, оқибатда испанлар жаҳон чемпионатида шармандали натижа қайд этишганди. Лопетеги келганидан кейин эса “Реал” худди шундай шармандали натижани такрорлади.