"Манчестер Юнайтед" бош мураббийи Жозе Моуриньо ушбу мавсумда жамоасининг АПЛ чемпионлиги учун имкониятлари ҳақида фикр билдирди.

"Тўртинчи ўриндан пастда туриб, чемпионлик ҳақида ўйлашдан маъно йўқ. Тўртинчи ўринда бўлсанг, сендан юқоридагиларга қараб, фарқни чамалашинг, тақвимга қарашинг, жароҳатларни ҳисобга олишинг ва имкониятларни чамалашинг мумкин. Аммо ҳозирги вазифамиз - очколар йиғиш ва декабрь ойигача аҳволимизни яхшилаш.

Аҳволимизни яхўилай оламиз, деб ўйлайман. Мен доим айтаман - мавсум уйдаги ва сафардаги 19 ўйиндан иборат. Аммо баъзан уларнинг тартиби жадвалдаги ўрнингга таъсир қилади", - дейди Моуриньо.

"МЮ" 10-турдан сўнг 8-ўринда бормоқда ва тўртинчи ўриндаги жамоадан 5 очко ортда қолмоқда.