Испания Ла лигасининг 11-тури доирасида "Барселона" сафарда "Райо Вальекано" клуби меҳмони бўлди ва иродали ғалабани қўлга киритди.
Каталонияликлар баҳснинг 11-дақиқасида Альбанинг қанотидан ҳужум ташкил қилиб, тезкор гол уришга муваффақ бўлишди: Суарес яқин масофадан дарвозани ишғол қилди.
Мазкур голдан кейин Вальверде шогирдлари осон ғалабани қўлга киритадигандек тасаввур уйғонганди. Аммо мадридликлар номдор рақибга жиддий қаршилик кўрсатишди ва ўзлари яратган имкониятлардан самарали фойдаланишди. Учрашувнинг 35-дақиқасида Посо жарима майдончаси ташқарисидан зарба йўллади: тўп устун орқали тўрга бориб тушди.
Иккинчи бўлимнинг 57-дақиқасига келиб мезбонлар ҳисобда олдинга чиқиб олишди. Бу сафар ҳам уларга устун ёрдам берди: ўнг қанотдан етказилган узатмага футболчи бош билан зарба берди. Тўп яқин устунга тегиб, нариги устун томон борди. Альваро Гарсия эса бўш қолган дарвозани ишғол қилди.
Бу оқшом "Барселона" нафақат очко йўқотишга, балки мағлубиятга жуда яқин турганди. Фақатгина сўнгги дақиқаларда улар имкониятлардан самарали фойдаланиб қолишди. Ўйин тугашига 3 дақиқа қолганида жарима майдончасига етказилган узатмани Пике кўкраги билан қайтарди, Дембеленинг зарбасини дарвозабон бартараф эта олмади. Баҳснинг 90-дақиқасида эса қанотдан берилган узатма пайтида ҳимоячилардан қочиб кетган Луис Суарес яқин масофадан дарвозани забт этди — 2:3.
Шу тариқа, "Барселона" қийин ғалабага эришди ва ўз очколарини 24тага етказиб олди. "Райо Вальекано" эса 6 очко билан 19-поғонада қолмоқда.
Испания Ла лигаси, 11-тур
Райо Вальекано – Барселона 2:3 (1:1, 1:2)
Голлар: 0:1 – 11 Суарес, 1:1 – 35 Посо, 2:1 – 57 Гарсия, 2:2 – 87 Дембеле, 2:3 – 90 Суарес.
Райо Вальекано – Гарсия, Амат, Гальвес (Веласкес, 71), Адвинкула, Морено, Посо, Комесанья, Эмбарба, Имбула, Трехо (Гарсия, 57), де Томас (Алегрия, 65).
Барселона – тер Стеген, Пике, Альба, Серджи Роберто, Лангле, Артур (Видаль, 67), Бускетс, Рафинья (Дембеле, 52), Ракитич, Коутиньо (Мунир, 67), Суарес.
Огоҳлантиришлар: Амат (6), Лангле (17), де Томас (49), Альба (70), Гарсия (89), Веласкес (90).
| 16/12 00:00 | Челси | 2-1 | Брентфорд | ||
| 16/12 00:00 | Саутгемптон | 0-5 | Тоттенхэм | ||
| 16/12 00:45 | Милан | 0-0 | Женоа | ||
| 16/12 01:00 | Барселона | 0-1 | Леганес | ||
| 17/12 00:45 | Лацио | 0-6 | Интер | ||
| 17/12 01:00 | Борнмут | 1-1 | Вест Хэм |
Ла лига. «Барселона» сўнгги дақиқаларда мағлубиятни ғалабага айлантирди (видео)
| Баҳо: |
+2 | -2
|
Рукн: Шарҳлар ва Анонслар
Манба: stadion.uz
Киритилди: 02:36, 04.11.2018.
Ўқилди: 12303 марта.
Фикрлар: 24 та.
Ўқилди: 12303 марта.
Фикрлар: 24 та.
ЭНГ КЎП ЎҚИЛГАН ЯНГИЛИКЛАР
“Барселона” “Атлетико”га қарши ўйин олдидан етакчисидн айрилди [2442]
"Реал" ҳимоячиси "Барселона" устидан кулди [2145]
Мудрик тўрт йилга дисквалификация қилиниши мумкин [1981]
Анчелотти «Реал» хўжайинлари билан учрашади [1889]
«Манчестер Юнайтед»га Фергюсон келиши мумкин [1856]
«Реал»нинг Қатарга парвози уч соатга кечиктирилди [1835]
"Реал Мадрид" қитъалараро кубок учун қайдномасини эълон қилди [1707]
Абдуқодир Ҳусанов Франция чемпионатининг 15-тур рамзий жамоасидан ўрин олди [1529]
| Асосий сахифа |
|
© STADION.UZ Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт. Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар. |
|
|