«Арсенал» клуби собиқ бош мураббийи Арсен Венгер «Милан»ни бошқариши мумкин. France Football тарқатган хабарга кўра, томонлар бир неча ҳафтадан бери музокаралар ўтказиб келишмоқда ва бир тўхтамга келишга яқин туришибди.
«Милан»нинг америкалик янги акционерлари айнан Венгер номзодига қизиқиш билдиришмоқда.
Ҳозирда "россонери"ни Женнаро Гаттузо бошқармоқда. «Милан» А сериянинг 11-туридан кейин 21 очко билан жадвалда 4-ўринни эгаллаб турибди. Миланликлар пешқадам «Ювентус»дан 10 очкога ортда қолишмоқда.