Туриннинг “Ювентус” клуби ҳимоячиси Леонардо Бонуччи “Милан”га қарши бўлиб ўтадиган учрашувни ўтказиб юбориши мумкин.

Шанба куни ўтказилган машғулотларда “Юве” бош мураббийи Массимилиано Аллегри Бонуччини эмас, Медхи Бенатияни асосий таркиб билан шуғуллантирди.

Шундай тарзда, 31 ёшли футболчи катта эҳтимол билан “россенерлар” билан ўйинда майдонга тушмайди. La Stampa нашрининг тахмин қилишича Бонуччи атайин Аллегридан асосий таркибга қўймасликни сўраган.

Эслатиб ўтамиз, Бонуччи ўтган ёз айнан “Юве”дан “Милан”га 42 млн евро эвазига ўтганди.