Аввал хабар берганимиздек, Қашқадарё вилоятида Суперлига ва ПРО-Лига клубларининг тайёрлов гуруҳлари ўртасида Республика мусобақасининг финал босқичи бўлиб ўтмоқда.

Унда иштирок этаётган Шакир Галимов бошқарувидаги “Андижон U-16” жамоаси бугун ярим финал учрашувини ўтказди. Тошкентнинг вилоятининг “Нурафшон U-16” жамоасига қарши кечган беллашув голларга бой бўлди. Учрашувнинг асосий таймларида ҳисоб 3:3 кўриниш олди. Ўйин Муҳаммаджон Умаровнинг бенефисига айланиб кетти. Боиси андижонлик иқтидорли ҳужумчи шу куни “Нурафшон U-16” жамоасини нақд уч бор аниқ нишонга олиб, хет-трик қайд этди. Бунга жавобан Тошкент вилояти жамоаси вакиллари ҳам 3та тўп киритиб, якунда ҳисобни 3:3 кўринишга олиб келди.

Пенальтилар сериясида омад “Андижон U-16”га кулиб боқди ва шу тариқа вакилларимиз 4:2 ҳисобида зафар қучди.

Энди эртага финалда “Андижон U-16” жамоамиз Қаршининг “Насаф U-16” жамоаси билан рўбарў келади. Бўлажак учрашувда ҳам ёш андижонликларга омад тилаб қоламиз.

“Андижон” матбуот хизмати.