Avval xabar berganimizdek, Qashqadaryo viloyatida Superliga va PRO-Liga klublarining tayyorlov guruhlari o‘rtasida Respublika musobaqasining final bosqichi bo‘lib o‘tmoqda.

Unda ishtirok etayotgan Shakir Galimov boshqaruvidagi “Andijon U-16” jamoasi bugun yarim final uchrashuvini o‘tkazdi. Toshkentning viloyatining “Nurafshon U-16” jamoasiga qarshi kechgan bellashuv gollarga boy bo‘ldi. Uchrashuvning asosiy taymlarida hisob 3:3 ko‘rinish oldi. O‘yin Muhammadjon Umarovning benefisiga aylanib ketti. Boisi andijonlik iqtidorli hujumchi shu kuni “Nurafshon U-16” jamoasini naqd uch bor aniq nishonga olib, xet-trik qayd etdi. Bunga javoban Toshkent viloyati jamoasi vakillari ham 3ta to‘p kiritib, yakunda hisobni 3:3 ko‘rinishga olib keldi.

Penaltilar seriyasida omad “Andijon U-16”ga kulib boqdi va shu tariqa vakillarimiz 4:2 hisobida zafar quchdi.

Endi ertaga finalda “Andijon U-16” jamoamiz Qarshining “Nasaf U-16” jamoasi bilan ro‘baro‘ keladi. Bo‘lajak uchrashuvda ham yosh andijonliklarga omad tilab qolamiz.

“Andijon” matbuot xizmati.